#Alive

මුළු ටවුන් එකම එක රැයින් පිස්සු හැදුණු සොම්බි රැලකින් පිරී ඉතිරී යනවා. අපේ කතානායකයා උදේ ඇහැරෙද්දීම දකින්නේ මුළු පලාතම ලේ විලක් වෙලා මිනිස්සු එකිනෙකා මරාගෙන කන හැටි. කිසිම කෙනෙක් එක්ක කතා කරගන්න විදිහක් නෑ, ෆෝන්, ඉන්ටර්නෙට් සේරම ඩවුන්. ගේ ඇතුළට වෙලා දොරවල් වහගෙන තනියම බයෙන් ගැහි ගැහි ඉන්න මේ කොල්ලට කන්න බොන්න තියෙන දේවලුත් ඉවර වේගෙන යන්නේ.

එළියට බැස්සොත් අනිවාරෙන් සොම්බි කෑමක් වෙනවා, ගේ ඇතුළේ හිටියොත් බඩගින්නේ මැරෙන්න වෙනවා. මේ වගේ පිස්සු හැදෙන මරණීය උගුලක හිරවුණු කොල්ලා බේරෙන්න අන්තිම උත්සාහය දරද්දී, එහා පැත්තේ බිල්ඩින් එකෙන් දකින සුපිරි සීන් එකක් නිසා මුළු කතාවම කණපිට හැරෙනවා. හැබැයි සොම්බි රැල දොරවල් කඩාගෙන ඇතුළට පනින්න හදද්දී මේ මරණයේ සෙල්ලමෙන් එයාට ඇත්තටම පණපිටින් බේරෙන්න පුළුවන් වෙයිද?